曹仁超 - 糊糊塗塗賺錢跌市輸突

不管你做乜事，良好習慣都系決定你成敗重要因素。理財亦一樣，好多人認為富向險中求，其實系一個足以致命錯誤觀念。
　　
投資成敗並非由你擁有幾多蚊年去決定，而系取決於你智慧同眼光。少賺糊塗錢！好多人糊糊塗塗地投資，牛市中糊糊塗塗地賺錢者絕不少數，只系一旦面對跌市，通常都系輸突. 自己去思考分析，做自己金錢的主人，承擔自己必須承擔的風險。
　　
養成良好習慣，一生受用　　

唔好奢望自己一天暴富，如你能令資本每年增值15-20％，已經十分了不起(每年升值20％，以十萬元開始，三十年後你已擁有二千三百七十多萬元)。
　　
逆市而行必先有銀　　

過去十年投資策略最重要系正確timing，其它都變成次要。利用 timing作為投資策略之前，你必須先擁有一定財富，才夠膽「逆市而行」。　
　
理性分析員常錯過最燦爛一刻　　

股票市場短期系投票機器(由供求因素決定)，長期才系評估機器(反映公司真正價值)。　　
長期而言喺高價追入者，最終必付出沉痛代價，但唔好扮先知(因為冇人知道A股何時才見頂)。面對呢類情況，見好即收嘅人永遠唔會破產。理性分析員經常都錯過股市最燦爛一刻，　　
唔少人希望買入後立即上升、賣出後立即下跌；反觀大戶入貨愈買愈低、大戶出貨愈賣愈貴。佢地明白大趨勢，利用大趨勢去賺大錢；但散戶最喜歡即食麵！性格系決定投資成敗嘅主因。江山易改，本性難移，冇呢方面性格好難培養。因此，trading唔系人人可以做得好。作出一個正確決定，涉及大量數據分析及懂得控制自己情緒，明白整個大框框(big themes)非一般人想像中容易，亦非憑直覺可以行事。例如豬無時無刻都搵食物，卻極容易被人宰殺；反之獅子可以十五天內唔食嘢，一旦攻擊必致獵物於死地。