曹仁超 - 投資三大「W」(when：何時買賣。what：買賣何股，where：何處投資)，請常記於心。

性格決定最後輸贏　
　
正面估計(Positive expectations)一旦出錯又點應付？如何喺制訂最好嘅計劃同時作最壞嘅打算？一旦事與願違又點樣應付？此乃止蝕唔止賺理論。請不要學香港電台台長因飲大咗而神志不清，任何時刻應保持理性。拿破侖天資聰敏，所以經常打勝仗，一生人只打敗兩次，一次系進攻莫斯科時貪勝不知輸，令七成軍力失去；第二次系滑鐵盧一役，更系全軍盡墨。因為佢只知如何打勝仗，一旦打敗仗，便唔識點處理。反而英國軍隊當年經常打敗仗，因此連撤退都井井有條，經常以保存實力為主，最後機會來啦，只打咗一次勝仗，就系同普魯士軍隊連手一前一後將拿破侖軍隊全部消滅。有好多投資者喺1997年8月前贏過無數勝仗，卻響亞洲金融風暴中因不肯撤退而全軍盡墨；有好多投資者喺1997年8月前表現並唔出色，但系因為行使止蝕而保存實力，2003年4月東山復出，依家變得好威風。贏八次輸兩次，你可能系拿破侖；輸幾次贏一次，你可能系威靈頓。金融市場最後誰贏誰輸？就系由性格決定。
　　
只有贏家輸家冇專家　　

理財、理財，今天人人識講，理財三部曲：第一賺錢。如手中冇錢，談什麼理財？年輕時養成量入為出消費習慣，不要用信用卡透支消費，減少無謂支出。所謂原始資金都是如此這般累積下來的，通常需要三至五年時間才積聚原始資本。第二系錢生錢。留下應急錢、保命錢，通常占所有本金的30％，餘下70％便可用作投資(這方面隨年紀漸長而上升，例如踏入退休年齡，這方面宜提升到70％)。第三繫馬無夜草不肥、人無橫財不富。經過十年左右錢生錢遊戲後，經驗漸豐，便可動用部分資金例如全部本金40％，看準時機狠狠地賭一鋪。如果睇得准，反應快，這一次可從此改變你未來命運。金融市場只有贏家同輸家，從來冇專家！靠的是眼光，用的是腦袋，從來唔系道聽塗說。世上沒有人公開教你點樣發達的(包括我老曹)。八十年代曾追訪當年全球華人首富王永慶問佢發達之路，佢回應話木宰羊。今天各位如果問我老曹發達方法，答案一樣系木宰羊。近年股市系炒行業、炒題材。今年系炒資產重組、到內地將A股上市。許多公司講一聲資產重組，股價便平地一聲雷。有些公司由母公司注入資產，或自己分拆部分項目上市或由外國引入資產，股價即飛昇。有些公司宣佈有意出售資產，股價亦立即狂升。努力找尋將會資產重組的股份，可能帶來意外收穫；其次系投資那些有想像空間的公司，亦會帶來驚喜。
　　
要學習捕捉大趨勢　　

帶來巨大利潤的股票(或投資)，都系事前令人生厭的股份(boring stock)而非極之性感的股份，理由系呢D股份或投資通常經歷了十年甚至二十年熊市，例如2001年的黃金及資源股，當年投資界早已認定佢地不再性感。太極圖教曉我地天下事物：盛極必衰，衰極必盛。食有時，睡有時，哭有時，笑有時，所謂大勢所趨，投資便是學習點樣捕捉大趨勢。